Fuente :
http://www.laopinioncoruna.es/secciones/noticia.jsp?pNumEjemplar=2150&pIdSeccion=11&pIdNoticia=69684&pVar=1158044233311CARMEN GALLEGO, CONSELLEIRA DE PESCA E ASUNTOS MARíƒÆ’í†â€™íƒâ€ší‚ÂTIMOS
"O sector ten que ir entendendo que non se pode establecer unha cultura da subvención"
"Non creo que todas as confrarías estean en contra da política da Consellería; cando o Goberno toma decisións non todos están de acordo, pero nós temos un compromiso cos electores e temos que levalo adiante".
DODA VíƒÂZQUEZ
Carmen Gallego, o pasado venres, na Coruña. / carlos pardellas
Doda Vázquez.A Coruña
Acaba de cumprir un ano á cabeza da Consellería de Pesca,
unha experiencia que, no aspecto personal, considera "moi positiva", a pesar de que as confrarías lle teñen preparada unha concentración de protesta para o próximo venres. "Penso que o sector está a responder razoablemente ben -comenta-. Na baixura implantamos un novo modelo para acceder a axudas da Administración pública, no que tratamos que sexan as propias organizacións as que presenten os proxectos e que se impliquen a fondo. Estou segura de que todas as liñas de investigación que puxemos en marcha son útiles para o sector. No apartado social coido que a inclusión dos emigrantes no seguro colectivo supuxo que non haxa discriminación entre tripulantes do mesmo barco".
-As confrarías non están moi satisfeitas e, de feito, o venres farán unha manifestación...
-Coas confrarías temos chegado a acordos para poñer en marcha todas as ordes de axuda colectiva, o plan de recuperación do polbo, a reserva mariña de Lira ou as novas zonas de produción. Por parte da Consellería de Pesca foron recibidos moitas veces e non temos ningún problema en manter ese diálogo. Non creo que todas as confrarías estean en contra da política da Consellería...
-A federación di que conta co apoio do 95%...
-Pode haber algunha que non estea de acordo. íƒÆ’í†â€™íƒÂ¢í¢â€šÂ¬í‚° normal, cando o Goberno toma decisións non todo o mundo está de acordo pero temos un compromiso cos electores e temos que levalo adiante.
-Parécelle suficiente a axuda pola parada da anchoa?
-Todas as comunidades do Cantábrico-Noroeste acordamos complementar as axudas de 45 euros do Estado e fixamos unha contía igual para todas.
-Que o ano pasado Galicia non deu...
-Cando chegamos ao Goberno non había orzamento adicado a esa función. Coido que a situación da costeira da anchoa foi excepcional. Pero, dito isto, todos os cidadáns teñen que saber que Galicia ten outras flotas, que habitualmente fan paradas biolóxicas, e que esas paradas se pagan en contías moi inferiores ao que se vai pagar na anchoa. Non podemos discriminar a unhas flotas doutras.
-Os armadores quéixanse de que non se paga o desprazamento, aínda que Galicia está moito máis lonxe.
-
Hai unha cuestión clara: ir á costeira da anchoa é unha decisión empresarial. E, cando se toma unha decisión, asúmese un risco. O que hai que ir empezando a entender no sector pesqueiro é que non se pode establecer unha cultura da subvención e que o Goberno pode tomar algunha medida excepcional, pero que isto non se pode converter en norma. Son as organizacións as que teñen que manter ese carácter empresarial e traballar como empresas. Por iso queremos que sexan as organizacións as que presenten proxectos para que se doten de instrumentos que lles permitan medrar por si mesmos e non depender sempre da Administración.
-Arranxaron os problemas administrativos da parada biolóxica do polbo?
-O sector era perfectamente coñecedor de cales eran os requisitos para acceder ás axudas. E as persoas que os cumprían, cobraron e os armadores, cando a finais de setembro teñan a documentación presentada, van cobrar esas axudas. Se non cumpren os requisitos, non sería legal outorgalas.
-Entón, non foi un problema de esquecemento da Administración, como denunciou o PP?
-O PP intentou enredar con esta cuestión todo o tempo, probablemente porque foi incapaz, nos anos que estivo no Goberno, de facer unha parada biolóxica desta pesquería, que estaba nunha situación realmente lamentable.
-Cómo vai a tramitación da nova lei de pesca?
-Constituímos as mesas de traballo con todo o sector en xullo e agora, entre setembro e outubro, voltarán xuntarse porque queremos presentar a lei no Parlamento en outubro de 2007. Pero antes queremos facer unha consulta moi a fondo con todo o sector, cremos que ten moito que dicir para facer unha lei que sexa sinxela, realista e que non ate en excesivo a regulamentación para non frear o aspecto cambiante do sector.
-Haberá pronto barcos galegos faenando en Marrocos?
-Claro que si. Hai 17 licencias para Galicia nese novo acordo pesqueiro e, dentro das posibilidades de pesca do acordo, son as licencias que o propio sector solicitou, polo tanto son o 100%.
-Como sae parada Galicia cos novos fondos europeos?
-Aínda está sen decidir a cifra que vén a España do Fondo Europeo de Pesca. E, polo tanto, a partires de que se adopte esa decisión, que será cedo, teremos que ver cal é a cifra que vén a Galicia. Nós aspiramos, e así o coñece xa o MAPA, a ter, en termos porcentuais, a mesma contía que co Ifop. Sabemos todos que a contía total vai ser inferior, porque hai menos cartos, pero o novo Fep tamén nos vai dar moitas posibilidades para facer a política de pesca que nós queremos.
"Aspiramos a ter a denominación de orixe do mexillón en 2006"
A conselleira anunciou a pasada semana, durante a inauguración de Acui 2006, que máis cedo que tarde poden chegar dende Bruxelas boas noticias para o mexillón galego. "Aspiramos a que antes do 31 de decembro deste ano poidamos ter esa boa noticia", afirma. "Temos traballado durante todo este ano e o parte do anterior en refacer de novo ese expediente que estaba practicamente denegado en Bruxelas, tivemos a colaboración do MAPA e do Consello Regulador do Mexillón, e temos tamén o compromiso do comisario de Pesca; agora faltan trámites administrativos que esperamos solucionar antes de que remate 2006".
-Cos incendios, o vertido do Umia, as toxinas... íƒÆ’í†â€™íƒÂ¢í¢â€šÂ¬í‚° fácil convencer ao consumidor de que merque con tranquilidade?
-O consumidor debe saber que Galicia conta cun sistema de control de calidade dos mellores do mundo e que facemos un control exhaustivo e que non abrimos unha zona ao marisqueo ou un polígono de bateas se hai o mínimo risco para a saúde pública. Estamos facendo unha grande aposta pola investigación en toxinas, en predección con máis antelación... A seguridade alimentaria, polo tanto, é total. O consumidor pode estar tranquilo se consome produtos adquiridos nos establecementos autorizados.